Aprubado na kay Pangulong Rodrigo Duterte ang promosyon ng mga kawani at opisyal ng Philippine Postal Corporation (PhilPost).
Ayon sa punong ehekutibo, inatasan na niya sina Postmaster General Norman Fulgencio at Civil Service Commission (CSC) Chairman Karlo Nograles na madaliin ang proseso ng mga dokumento lalo’t kaunting panahon na lamang ang natitira sa kanyang administrasyon.
Nabatid na bago ang talumpati ng pangulo ay nakausap sila nina Nograles at Fulgencio kaugnay sa nasabing promosyon.
