Kinumpirma mismo ng Department of Agriculture na wala silang nakikitang malaking pagtaas ng presyo ng mga gulay bago ang Pasko.
Ayon kay Agriculture Assistant Secretary Genevieve Guevarra, may itinakdang maximum suggested retail price o MS-RP ang carrots na 120 pesos kada kilo gayong may sapat na suplay ito mula sa imported stocks.
Batay sa mga nakaraang datos, hindi rin anya karaniwang tumataas nang malaki ang presyo ng mga bilihin tuwing Pasko kahit mataas ang demand.
Mas binabantayan umano ng kagawaran ang posibleng pagtaas ng presyo pagkatapos ng holidays, partikular pagsapit ng Enero.
