Hiling ni Vice President Sara Duterte ang maayos na kalusugan para sa kanyang mga taga-suporta ngayong holiday season.
Sa pagbisita ni VP Sara sa kanyang ama na si dating Pangulong Rodrigo Duterte, ibinahagi niya ang kalagayan ng kanilang pamilya, partikular ang kalusugan ng mga bata, at sinabing maayos naman ang lahat dahil walang may karamdaman.
Giit ng Bise Presidente, ang pinakamabigat na pagsubok para sa mga pamilya ang pagkakasakit, lalo na ang mga karamdamang walang lunas gaya ng terminal illness at advanced-stage cancer.
Aniya, maraming problema ang maaaring solusyonan, ngunit ibang usapin kapag kalusugan na ang apektado.
Dagdag pa ni VP Sara, gaano man kaganda ang access sa pinakamahuhusay na serbisyong medikal, may mga sakit pa ring hindi na kayang gamutin, kaya’t nararapat lamang pahalagahan ang kalusugan bilang isa sa pinakamahalagang biyaya sa buhay.
