Bibigyan ni Pope Francis ng pagkakataon ang lahat ng pari ng Simbahang Katoliko na patawarin ang mga kababaihang nagkasala sa abortion sa “Year of Mercy” na magsisimula ngayong Disyembre.
Sa inilabas na sulat ng Santo Papa kahapon, binigyan niya ng pahintulot ang lahat ng pari na gawin ang pagpapatawad kung kinakailangan.
Sa naging pahayag ni Vatican Chief Spokesman Father Federico Lombardi, ang hakbang ay para mabawasan ang bigat ng kasalanan ng isang babae at maipakita ang awa sa mga ito.
Sa nasabing sulat, inilarawan ni Pope Francis ang “existential at moral ordeal” na kinahaharap ng mga babaeng nagpalaglag ng ipinagbubuntis.
Marami na raw siyang nakasalamuhang mga babae na nagpa-abort at kita niyang ramdam ng mga ito ang sakit sa kanilang puso dahil sa masakit na desisyon.
By Mariboy Ysibido