Inihayag ni Pope Francis mula sa kanyang dokumentaryo ang pagsuporta nito na maipasa ang civil union law para sa mga miyembro ng LGBTQ community.
Ani ng Santo Papa ang mga Homosexuals ay anak ng Diyos at may karapatan na magkaroon ng pamilya,walang sinuman ang dapat ipagtabuyan at maging miserable ang buhay dahil sa kanyang kasarian , pahayag ni Pope Francis sa isang dokumentaryong bilang bahagi ng Rome Film Festival na ipinalabas nitong Miyerkules sa Roma.
Nag-ani naman ang pahayag na ito ng iba’t ibang opinyon na di umano’y taliwas sa unang mga pahayag ng Santo Papa kaugnay same sex union.
Ayon naman kay Evgeny Afineevsky direktor ng naturang dokumentaryo na hindi patungkol sa pagsuporta ng Santo Papa sa civil union ang pokus ng dokumentaryo kundi ang maraming isyu sa mundo.
Dagdag pa ni Afineevsky na tinitingnan niya si Pope Francis hindi bilang Santo Papa kundi bilang isang mapagkumbabang tao, modelo sa batang henerasyon, leader sa matandang henerasyon at sa lahat hindi lamang sa simbahang Katolika kundi ang puso nito sa pamumuno para sa lahat .— sa panulat ni Agustina Nolasco