Tanggap na ni Sen. Grace Poe ang paghingi ng tawad ni Navotas Rep. Toby Tiangco sa issue ng residency ng senadora.
Ayon kay Poe, kapag may humihingi ng paumanhin ay dapat tanggapin kung ito ay tapat.
Aniya, nagpapasalamat siya kay Tiangco dahil nasagot at naipaliwanag niya sa publiko kung ano ang totoo sa kanyang residency.
Muling nilinaw ni Poe na wala siyang personal na issue laban sa mga Binay subalit mas nais niyang kausapin siya nang personal ng mga Binay, maging ni Tiangco, pero sa ngayon ay wala siyang natatanggap na tawag o anumang abiso.
By Cely Ortega-Bueno / Drew Nacino
