Naisumite na ng kampo ni Senador Grace Poe sa Commission on Elections (COMELEC) En Banc ang MR o Motion for Reconsideration sa pag-disqualify ng second division sa senadora sa pagtakbo sa 2016 presidential elections.
Ipinabatid ito ni Atty. George Garcia, abogado ni Poe matapos paboran ng COMELEC Second Division ang disqualification case na isinampa laban kay Poe ni Atty. Estrella Elamparo.
Sinabi ni Garcia na umaasa silang makukunsidera ng En Banc ang iba pang dokumento nila para patunayang kuwalipikadong tumakbo sa presidential elections si Poe.
Sakaling hindi mapaboran ng En Banc, tiniyak ni Garcia ang pag-akyat ng usapin sa Korte Suprema.
By Judith Larino | Cely Bueno (Patrol 19)
