Nagpaalala ang Philippine National Police Academy na huwag mahaluan ng pulitika ang nakatakdang graduation rites ng mga kadete sa March 10 na gaganapin sa Silang, Cavite.
Sa harap na rin ito ng posibilidad na may dumalong mga pulitiko o kandidato na “adopted” ng pnpa masundayaw class of 2016.
Ayon kay Chief Insp. Ritchie yatar, Tagapagsalita ng PNPA, sinabihan na nila ang kanilang mga kadete at maging ang mga alumni na bawal umikot ang kanilang mga “adopted” na kandidato sa gagawing seremonya.
Bawal din anyang makipag-kamay ang mga ito at pagkatapos ng seremonya ay dapat umuwi na rin agad ang mga adopted na kandidato.
Dagdag pa ni Yatar, may mga marshal silang magbabantay patungkol dito upang matiyak na hindi makalulusot ang mga epal na pulitiko sa nakatakdang pnpa graduation rites.
By: Meann Tanbio
