Handa na ang Philippine National Police o PNP sa pagbubukas ng klase sa darating na Lunes, Hunyo 1.
Sa panayam ng DWIZ, sinabi ni PNP Spokesman Sr. Supt. Bartolome Tobias na nagbigay na ng direktiba ang PNP sa mga local units upang makipag-ugnayan sa mga tagapamahala ng mga paaralan at sa mga opisyal ng Department of Education at iba pang ahensya.
Ayon kay Tobias, ipinag-utos din ang paglalatag ng police assistance desks upang matiyak ang kaligtasan at seguridad ng mga estudyanteng papasok sa mga eskwelahan.
Pinaalalahan din ni Tobias ang publiko lalo na ang mga estudyante na maging maingat sa pagbiyahe patungo ng eskwelahan at pauwi at makipag-ugnayan sa mga otoridad sakaling magkaroon ng problema sa seguridad.
By Jelbert Perdez | Ratsada Balita
