Ipinauubaya na ni Pangulong Benigno Aquino III sa mga botante ang kapalaran ng bansa sa pagpili kung sino ang ihahalal na susunod na presidente ng bansa.
Inihayag ito ng Pangulo sa harap na rin ng natitirang anim na araw bago ang eleksyon.
Sinabi ng Pangulo na nakita na ng mga botante ang pruweba at mga pagbabago sa ilalim ng tuwid na daan kaya’t nasa matalinong pagpapasya na aniya ng mga boss kung nais nilang maipagpatuloy ito.
Hihintayin aniya ng Palasyo ang magiging hatol ng taumbayan sa halalan sa Lunes.
By Meann Tanbio | Aileen Taliping (Patrol 23)
