Aarangkada na ang pormal na pagdinig sa kasong isinampa laban kina pork barrel scam queen Janet Lim Napoles at dating Chief of Staff ni Senador Juan Ponce Enrile na si Atty. Gigi Reyes.
Kaugnay ito sa kasong plunder o pandarambong na inihain laban sa kanila sa 3rd Division ng Sandiganbayan.
Sa mga araw ng Miyerkules mula Enero 13 isasagawa ang marathon hearings sa kaso na tatagal hanggang Enero 17.
Inaasahang maghaharap sina Reyes, Napoles at ang whistleblower na si Benhur Luy kasama ang iba pang testigo sa nabanggit na kaso.
Gayunman, hindi muna masasama sa pagdinig ang kaso ni Enrile sa Anti-Graft Court bunsod ng nakabinbing petisyon nito sa Korte Suprema na kumukuwestyon sa naturang kaso.
By Jaymark Dagala | Jill Resontoc (Patrol 7)
