Nalagpasan ng Bureau of Customs (BOC) ang annual target revenue collection nito na 721.52 billion pesos sa taong 2022.
Pumalo ang kanilang kita sa 745.50 billion pesos simula nitong November 11, na mas mataas ng 23.98 billion pesos o katumbas ng 3.27%.
Giit ng customs base sa kanilang preliminary report, ay naabot din ng kanilang 17 collection districts ang kani-kanilang mga target collection.
Tinagurian namang pinakamataas na revenue collection ang nangyaring pag-abot sa target ng ahensya.
Nagpasalamat naman si Customs Commissioner Yogi Filemon Ruiz sa kaniyang mga tauhan para sa kanilang sipag at dedikasyon at nangakong patuloy nitong susuportahan ang mga ito. - sa panunulat ni Hannah Oledan