Malabong magkaroon ng plebesito sa Mayo sa kabila ng pag-pu-pursige ng Kongreso na ma-kumpleto ang amendments sa Konstitusyon.
Ayon kay COMELEC Acting Chairman Christian Robert Lim, imposibleng makapag-handa ang komisyon sa isasagawang plebisito para sa Charter Change ngayong taon.
Sakali anyang ma-amyendahan ang konstitusyon ngayong taon, hindi naman sapat ang panahon ng poll body upang makapaghanda para sa plebisito.
Ipinunto ni Lim na kakailanganin ng anim na buwang preparasyon sa isang manual election para sa Cha-Cha kung saan dalawang buwan aabutin ang public bidding.
Samantala, ang tanging makapagpapabilis sa proseso ay i-exempt ng Kongreso ang COMELEC sa pagsasagawa ng public bidding.