Planong pagbawal ng pag export ng armas ng US sa PH di umano kawalan

Hindi kawalan sa Pilipinas ang  plano ng  U.S.  Congress na ipagbawal na ang pag-export  ng  armas  para sa   Philippine National Police.

Ito ang inihayag  ni Chief  Presidential Legal Counsel Secretary Salvador  Panelo  kaugnay sa   panukalang  batas  sa  U.S.  Congress na   lagyan ng  restrictions  ang  pagpapadala  ng  kanilang  armas sa  Pilipinas dahil umano sa  paglabag umano sa karapatang pantao  ng P.N.P. kaugnay sa  kampanya  kontra iligal na droga.

Ayon kay Panelo, ang  Amerika ang  mawawalan  dahil  binibili  ng  gobyerno ng Pilipinas at  hindi naman libre ang mga armas.

Marami  pa anyang  bansang  maaaring  pagkunan ng  armas  ng  Pilipinas  maliban sa Amerika at sa katunayan  ay  may mga     nag-aalok  o nais  magbigay  ng  mga sandata para sa mga  pulis  at  sundalo.

Nauna  na ang  China sa  nagbigay  ng  libreng  armas   at  masusundan pa  ito ng  panibagong  shipment sa  Setyembre, bukod pa sa commitment  ng Russia  na  magbigay  din ng  mga  armas.

By: Drew Nacino  / Aileen Taliping

Comments

comments