Maliit lamang ang magiging epekto sa presyo ng mga produktong petrolyo sa bansa sakaling mag-angkat ng langis mula sa Russia.
Ayon kay Energy Undersecretary Whimpy Fuentabella, ang pinaka-punto ng pag-a-anggkat ng langis mula Russia ay ang pagkakaroon ng oil supply security sa Pilipinas.
Ikinukunsidera anya ng pamahalaan ang lahat ng opsyon ng Pilipinas upang hindi masyadong maapektuhan ang bansa tuwing nagkakaroon ng problema sa mga bansang regular na pinagkukunan ng mga produktong petrolyo.
Aminado naman si Fuentebella na may kamahalan ang Russian oil kaya’t hindi ito masyadong mararamdaman sa lokal na merkado pero kung pagkakaroon ng supply security ang pag-u-usapan ay malaking benepisyo ito sa Pilipinas.
