Balik na sa pagiging host ng Southeast Asian o SEA Games sa 2019 ang Pilipinas.
Mismong si DFA o Department of Foreign Affairs Secretary Alan Peter Cayetano ang nagsabi na muling inaako ng Pilipinas ang magandang oportunidad na maging host ng SEA Games.
Matatandaang noong Hulyo ay nag-withdraw ang Pilipinas bilang host ng 2019 SEA Games dahil gagamitin na lamang umano sa rehabilitasyon ng Marawi City ang pondo para rito.
Matatandaan na naibigay sa Pilipinas ang karapatang pamahalaan ang 2019 SEA Games matapos na umurong ang Brunei sanhi ng di umano’y kakulangan ng pasilidad at mga tauhan na mamamahala sa sports event.
Huling naging host ng SEA Games ang Pilipinas noong 2005 kung saan nakasungkit ng 113 medalyang ginto ang Philippine team.
By Len Aguirre
