Pasado na sa ikalawang pagbasa ng Senado ang Senate Bill 2492 o Philippine Maritime Zones Act.
Ang Philippine Maritime Zones Act ang magtatakda sa partikular na bahagi ng teritoryo ng bansa, kabilang na ang mga karagatan nito.
Ayon kay Special Committee on Philippine Maritime and Admiralty Zones Senator Francis Tolentino, magpapalakas ang naturang panukalang batas sa claim ng Pilipinas sa West Philippine Sea (WPS) at iba pang territorial disputes ng bansa tulad ng sa Sabah.
Inaasahang pagbobotohan sa ikatlo at huling pagbasa ang Philippine Maritime Zones Act sa susunod na linggo.
