Kasalukuyan nang naka-alerto ang Philippine Coast Guard (PCG) District Southern Tagalog kasabay ng pagtaas sa Alert Level 3 ng Bulkang Taal bunsod muling pag-a-alboroto nito kaninang umaga, Marso 26.
Ito ay matapos ipag-utos ni PCG Commandant Admiral Artemio Abu ang ang deklarasyon ng “heightened alert” sa nasabing distrito.
Dahil dito, agad na nagpadala ng isang deployable response group (DRG) ang PCG Station Batangas upang imonitor ang sitwasyon at aktibidad ng nasabing bulkan.
Magpa-patrolya na rin ang PCG Sub-Station Talisay at PCG Sub-Station San Nicolas sa mga katubigan ng Taal Volcano Island para sa “force evacuation” ” sa lahat ng mga mangingisda at fish cage workers
Maliban dito, mayroon na ring naka-antabay na dalawang truck ang PCG sa para sa paglikas ng mga maapektuhang residente. – sa panulat ni Abie Aliño-Angeles
