Umapela ang embahada ng bansa sa Malaysia na magsagawa ng full investigation hinggil sa pagkamatay ng isang Pilipinang mula sa Polomolok, South Cotabato.
Partikular na nais mabatid ng Philippine Embassy kung paano pinatay ang biktimang si Rovelyn Lloren at kung bakit hindi ito nakalabas mula sa nasunog na bahay.
June 2 nang tumawag ang Malaysian national na mister ni Lloren at ipinabatid sa pamilya ang pagpatay sa Pinay.
Isa umanong pinaghihinalaan ng mister ni Lloren na nasa likod ng krimen ang business partner ng Pinay na araw-araw umanong pumupunta sa kanilang bahay.
Samantala, nabatid na iniimbestigahan na umano ang asawa ng Pinay.
By Judith Larino
