Proud si President Elect Ferdinand “Bongbong” Marcos Jr. Kay incoming Vice President Sara Duterte-Carpio.
Kumpiyansa si Marcos na magagampanan ni Duterte-Carpio ang kaniyang tungkulin sa bansa sa tulong narin ng taumbayan.
Sa naging inagurasyon ni Duterte-Carpio kahapon, sinuportahan ni Marcos ang kaniyang running mate kasama ang Uniteam, asawang si Liza Araneta-Marcos, anak na si Ilocos Norte Representative-Elect Sandro Marcos, at kapatid na si Senator Imee Marcos.
Sinabi ni Marcos na alam niyang magiging mahusay si Duterte-Carpio bilang bise-pangulo ng Pilipinas.
Sina Marcos at Duterte ay nakatakdang manungkulan sa Hunyo 30, 2022.