Sagad na ang kapasidad ng Pasay City General Hospital (PCGH).
Ito’y matapos i-anunsiyo ng PCGH na pansamantalang hindi muna ito tatanggap ng COVID-19 patients sa kanilang Emergency Room (ER), Intensive Care Unit (ICU), at COVID-19 ward dahil nauubusan na sila ng hospital beds.
Ayon kay PCGH Officer-In-Charge Dr. John Victor de Gracia, okupado na ang kanilang 28 regular beds para sa coronavirus patients at maging ang 60% o 12 sa 20 beds sa transition ward.
Samantala, sinabi ni De Gracia na ginagamot pa rin sa ospital ang kanilang mga empleyado na tinamaan ng COVID-19.
