Sugatan ang isang pasahero nang maipit sa isang pinto ng LRT-1 kaninang umaga.
Ayon sa report, papasok pa lamang ng tren si Julieto Eco ng Tanza, Cavite sa Gil Puyat Station nang biglang magsara ang pinto.
Kalahati ng katawan ni Eco ay nakalabas habang tumatakbo ang tren.
Nakahingi naman kaagad ng tulong si Eco at isang guwardya ang naka-senyas sa train operator para itigil ang operasyon.
Itinakbo naman sa Adventist Medical Center si Eco matapos magtamo ng mga sugat sa katawan at mukha.
Iniimbestigahan na ng mga awtoridad kung bakit nagsara kaagad ang pinto at hindi nakita ng train operator ang nakalabas na bahagi ng katawan ng pasahero.
—-
