Kinilala ni Pangulong Ferdinand “Bongbong” Marcos Jr., ang malaking papel at serbisyo ng mga tauhan ng Armed Forces of the Philippines (AFP) para mapanatili ang seguridad at kapayapaan sa bansa.
Ayon sa Punong Ehekutibo, patuloy na ginagampanan ng AFP ang kanilang mga tungkulin para labanan ang mga kaguluhan at maipagtanggol ang Pilipinas laban sa mga bansang mananakop.
Pinuri ni PBBM ang ginagawang sakripisyo ng mga tauhan ng AFP lalo na ngayong panahon ng pandemya, climate-change, mga disaster, at paglaban ng gobyerno laban sa mga terorista.
Bukod pa dito, ikinatuwa din ni Pangulong Marcos ang ginagawang pag suporta ng AFP sa humanitarian assistance at disaster response efforts ng gobyerno sa pamamagitan ng pagpapakilos ng mga assets at agarang deployment ng mga tauhan.
Naniniwala ang Pangulo na mas magiging maayos at tahimik ang bansa kung makikipagtulungan ang bawat isa na labanan ang kaguluhan at krimen sa Pilipinas.