Lusot na ikalawang pagbasa sa Kamara ang panukalang bubuhay sa mandatory Reserve Officers Training Corps o ROTC para sa grades 11 at 12 bilang requirement para maka-graduate.
Ang ROTC ay isasagawa sa lahat ng pampubliko at pribadong paaralan sa buong bansa.
Layon ng House Bill no. 8961 o ang Citizen Armed Forces of the Philippine Reservist Act na imulat at isapuso ng mga kabataan ang pagiging makabayan, paggalang sa karapatang pantao, pagsunod sa saligang batas at pagmamahal sa bansa.
