Kinumpirma ni Cavite 4th District Rep. Kiko Barzaga na may isa pang ethics complaint na inihain laban sa kaniya.
Sa ambush interview sa Kamara, sinabi ni Barzaga na nagmula ang complaint kay House Deputy Speaker at Iloilo 1st District Rep. Janette Garin.
Para kay Barzaga, bilang may korapsiyon sa gobyerno posibleng binayaran o sinuhulan ng administrasyon ang reklamo laban sa kaniya.
Naniniwala rin si Barzaga na maaaring sinuhulan rin ng pamahalaan ang ilang mambabatas sa Kamara.
Nabatid na ngayong araw ginanap ang kauna-unahang pagdinig ng House Committee on Ethics and Priveleges na pinamumunuan ni 4P’s Partylist Rep. JC Abalos para talakayin ang unang reklamong inihain ng National Unity Party sa pangunguna ni House Deputy Speaker at Antipolo Rep. Ronaldo Puno laban kay Barzaga dahil sa hindi magandang pag-uugali nito sa loob at labas ng plenaryo ng Kamara.
