Binisita ni Pangulong Rodrigo Duterte ang mga pamilyang naapektuhan ng bagyong Agaton sa Pontevedra sa Capiz.
Ito ay kasunod ng Aerial Inspection ng Pangulo sa mga pamilyang nasalanta sa Baybay City, Leyte.
Sa naging pagbisita ni Duterte, kaniyang nakita ang pinsalang idinulot ng bagyong Agaton sa mga residente ng Capiz.
Pinasalamatan din ni Duterte ang mga taga-Capiz sa tiwala at boto na kanilang ibinigay noong siya ay tumatakbo pa lamang sa pagkapangulo.
Sa kabila nito, nangako ang pangulo na tutulong ang Social Welfare Department na mapanatili ang relief supply sa lalawigan hangga’t kinakailangan.
Bukod pa dito, magsasagawa din ng pagkukumpuni sa mga nasirang kabahayan na winasak ng bagyong Agaton. —sa panulat ni Angelica Doctolero
