Nasa 205 aspirants na naghain ng certificate of candidacy (COC) para sa Eleksyon 2022 ang maaaring ideklara bilang nuisance candidates ng Commission on Elections (COMELEC).
Ayon kay COMELEC Education and Information Department Director Elaiza Sabile-David, sa naturang bilang, 82 dito ay naghain para sa posisyon ng pagka-pangulo, 15 para sa pagka-bise presidente, habang 108 naman para sa posisyon ng senador.
Sa sandaling maideklarang nuisance candidate ang isang aspirant, aalisin ang kaniyang pangalan sa listahan ng mga kandidatong maaaring tumakbo sa darating na halalan.
Batay sa datos ng COMELEC, 97 ang naghain ng COC para sa pagkapangulo, 28 sa pagkabise-presidente at 174 sa pagka- senador. —sa panulat ni Hya Ludivico