Wala pang napipisil si Pangulong Rodrigo Duterte na ipapalit sa mga mababakanteng posisyon sa Commission on Elections (COMELEC).
Mababatid na nakatakda nang magretiro sa serbisyo sina comelec Chair Sheriff Abas at Commissioners Rowena Guanzon, at Antonio Kho Jr. sa Pebrero.
Ayon kay acting presidential spokesperson Karlo Nograles, batid ng punong ehekutibo kung gaano kahalaga na agarang makapagtalaga ng bagong chairman at dalawang bagong commissioner ng poll body.
Aniya, mas mabuting hintayin na lamang ang magiging anunsyo ng pangulo dahil sa ngayon ay wala pang ibinibigay na anumang impormasyon ang Office of the President ukol dito. —sa ulat ni Jopel Pelenio (Patrol 17)