Bukas si presidential aspirant at dating senador Ferdinand ”Bongbong” Marcos Jr., na bigyan ng katungkulan sa gobyerno, kahit pa ang kanyang mga kritiko, sakaling manalo bilang pangulo sa darating na halalan.
Sa panayam ng DWIZ, sinabi ni Marcos na lahat ng maaaring makatulong upang pagandahin ang Pilipinas, anuman ang partido, ay dapat na mapakinggan.
Aniya, kabilang sa kanyang ikokonsidera sa pag-appoint ng mga opisyal ay ang kanilang kakayahan at karanasan.
