Campaign joke at parte lamang ng estilo sa kampanya.
Ganito inilarawan ni Pangulong Rodrigo Duterte ang naging pahayag niya noong kampanya na buong tapang niyang pupuntahan ang West Philippine Sea sakay-sakay ng isang jetski at sasabihin sa mga Tsino na pag-aari ng Pilipinas ang naturang teritoryo.
Sa lingguhang ulat sa bayan ng Pangulo, tinuldukan na niya ang mga pasaring ng mga kritiko ng administrasyon na nagsasabing tila duwag ang Pangulo at hindi kayang pangatawanan ang nauna niyang pangako sa publiko.
Gayundin ang isyu na sinabi ng Pangulo na isang hamak na papel lamang ang 2016 arbitral award o pagkapanalo ng Pilipinas sa isyu ng pinag-aagawang teritoryo sa West Philippine Sea.
Panahon sa kampanya ‘yan Yung biro na yun, yung bravado ko, pure campaign, joke. At kung naniniwala kayo sa kabila… I would say you are really stupid,“wika ng Pangulo.
