Hinamon ni Pangulong Rodrigo Duterte si Senador Antonio Trillanes IV na patunayan ang binuhay nitong 2 bilyong pisong account ng Pangulo sa BPI Ortigas Branch.
Ayon sa Pangulo magre-resign siya kaagad bilang Pangulo kung mapapatunayang may bilyong pera siya sa bangko na nakuha niya sa iligal na paraan.
Pinayuhan ng Pangulo si Trillanes na kasuhan na lamang siya sa korte at itikom ang bibig nito kung wala namang masasabi pa.
PAKINGGAN: Bahagi ng pahayag ni Pangulong Duterte
Idinipensa rin ng Pangulo ang anak na si Davao City Mayor Sarah Duterte at common law wife na si Honeylet Avancenia.
Sinabi ng Pangulo na kumikita ang anak nito dahil isa itong abogado samantalang matagal naman na ang donut at meat businesses ni Avancenia.
Tinawag pang tulisan ni Duterte si Trillanes na aniya’y puro hangin at kayabangan ang alam.
Ipinagmalaki pa ng Pangulo ang aniya’y yamang iniwan sa kanila ng kaniyang ama.
PAKINGGAN: Bahagi ng pahayag ni Pangulong Duterte
By Judith Larino / Report from: Aileen Taliping (Patrol 23)
