Pangulo magiging malupit vs. mga terorista

Magiging malupit ang Pangulong Rodrigo Duterte sa pagharap sa mga terorista sa Mindanao.

Ito ang tiniyak ng Pangulong Rodrigo Duterte matapos itong magdeklara ng Martial Law dahil sa paghahasik ng karahasan ng Maute Group sa Marawi City.

Iginiit ng Pangulo na kailangan niyang gawin ito para sa kapakanan ng mamamayang Pilipino.

PAKINGGAN: Bahagi ng pahayag ni Pangulong Rodrigo Duterte

Kasabay nito, pinawi ng Pangulo ang pangamba ng publiko hinggil sa nangyayaring kaguluhan sa Mindanao.

PAKINGGAN: Bahagi ng pahayag ni Pangulong Rodrigo Duterte

Pauwi na si Pangulong Rodrigo Duterte mula Moscow, Russia sa gitna ng nagpapatuloy na bakbakan ng mga tropa ng gobyerno at mga grupong Abu Sayyaf at Maute na kapwa supporter ng ISIS.

Ito ang naging mitsa ng deklarasyon ng Martial Law ni Pangulong Duterte sa buong Mindanao.

Mag-aalas-6:30 kanina, oras sa Pilipinas, nang umalis ng Moscow ang Pangulo sakay ng Philippine Airlines flight PR-001 at inaasahang darating mamayang alas-4:30 ng hapon.

Bagaman pinutol na ni Pangulong Duterte ang kanyang official visit sa Russia, nakaharap naman nito si Russian President Vladimir Putin.

Naiwan naman ang ilang cabinet member ng Pangulo upang lumagda sa iba’t ibang kasunduan sa Russia.

By Ralph Obina | Drew Nacino

Comments

comments