Muling pinawi ng Department of Foreign Affairs (DFA) ang pangamba ng pamilya ni Mary Jane Veloso na nalalapit na pagbitay sa kanya sa Indonesia.
Reaksyon ito ni Assistant Secretary Charles Jose, Spokesman ng DFA sa pangamba ng pamilya Veloso na posibleng malapit nang mabitay si Mary Jane kaya’t pinapunta ng DFA sa Indonesia ang dalawang anak at ang mga magulang ni Mary Jane.
Ayon kay Jose, malinaw naman ang naging susi para ipagpaliban ang pagbitay kay Veloso ay dahil sa kasong naisampa laban sa recruiter nito.
Sinabi ni Jose na dapat lamang matutukan ang kaso laban sa mga recruiters na sina Maria Cristina Sergio at Julius Lacanilao upang muling maihirit ang ng gobyerno ang clemency para kay Mary Jane.
By Len Aguirre | Ratsada Balita