Binisita ni Pangulong Rodrigo Duterte ang Pakistani anti-submarine navy ship na Saif na kasalukuyang nasa bansa para sa isang goodwill visit.
Ito’y bilang bahagi ng pagpapalakas ng ugnayan ng dalawang bansa gayundin ang pagsusulong ng pagkakaibigan at pagkakaisa sa pamamagitan ng naval diplomacy.
Dumaong kahapon ang Pakistani navy ship sa port harbour sa lungsod ng Maynila at inaasahang magtatagal ito hanggang sa Linggo, Disyembre 17.
Kasunod nito, nakatakdang maglibot ang mga bisitang Pakistani sa mga makasaysayang lugar sa lungsod ng Maynila, magsasagawa ng goodwill games, gift giving at dadalo rin sa mga hosted dinner.
