Sinopla ni Senator Panfilo Lacson ang pahayag ni United Nations Human Rights Chief Zeid Ra’ad Al Hussein na dapat nang magpatingin sa psychiatrist si Pangulong Rodrigo Duterte.
Ayon kay Lacson, uncalled at unbecoming ang statement na ito ni Zeid, lalo na’t isa siyang mataas na opisyal ng UN.
Pahayag ng senador, dapat sana’y ipinakita ng UN Human Rights Chief na isa siyang educated person at hindi na nagbigay ng mapang-insultong pahayag laban kay Pangulong Duterte na inihalal o ibinoto ng mahigit anim na milyong Pilipino.
Ayon sa senador, sa umiiral na protocol sa bansa, maaring mag-complaint o kaya’y i-call out ang naging pahayag ni Zeid sa UN Human Rights Council.
Una nang sinabi ni Presidential Spokesperson Harry Roque, hindi lamang mga Pilipino ang ininsulto ni Zeid kundi magiging ang lahat ng mga bansang nagkaroon ng demokratikong halalan.
