Sinopla ng China ang pahayag ni U.S. President Joe Biden na handang ipagtanggol ng Amerika ang Taiwan sa nagbabadya umanong pananakop ng Tsina.
Ayon kay Chinese Foreign Ministry Spokesman Wang Wenbin, ang issue sa Taiwan ay “internal affairs” ng China at walang pakialam ang ibang bansa.
Reresolbahin aniya ng Tsina ang issue sa pamamagitan ng diplomasya o dahas, kung kailangan upang mapanatili ang soberanya at territorial integrity ng bansa.
Ang Taiwan ay itinuturing na probinsya ng China pero iginigiit ng Taipei ang kanilang kalayaan simula noong 1949 na dapat kilalanin ng International Community. —sa panulat ni Drew Nacino