Hindi na bago para sa isang senador ang pagtatatag ng Maharlika Wealth Fund (MWF).
Ito ay ang House Bill 6398 na layong maglagak ng pondo ang top government financial institutions at gamiting pang-invest saanmang lugar sa mundo gaya ng international stock markets, bonds at real estate.
Sa panayam ng DWIZ kay senator Sherwin Gatchalian, Chairman ng Committee On Ways and Means at ng Committee on Basic Education, sinabi nito na matagal na niyang pinag-aaralan ang konsepto ng panukala noong chairman pa ng economic affairs committe noong 2016.
Hindi naman kwestiyonable kay Gatchalian ang legalidad ng MWF dahil aniya, kailangan pa ring pagtuunan kung saan kukuhanin ang pondo rito lalo’t walang sapat na yaman ang Pilipinas.
Sa huling ulat, etsapuwera na ang Government Service Insurance System at Social Security System sa pondong pagkukuhanan para sa Maharlika Wealth Fund.
Normal naman para kay Gatchalian na batikusin ang panukala lalo’t kulang pa ito sa pagbusisi.
