Inihayag ng OCTA Research Group na hindi na kailangan ng pamahalaan na itaas ang alert level status sa bansa at magpataw ng lockdown sa gitna ng pagtaas ng COVID-19 cases.
Ayon kay OCTA Research Fellow Professor Ranjit Rye, kailangan lamang malaman ng publiko na hindi pwedeng makampante sa sitwasyon ng pandemya kaya’t dapat pa ring sumunod sa minimum public health standards.
Paliwanag niya, ang pagtaas ng positivity rate at reproduction number ay nagpapahiwatig na maaaring magkaroon ng isa pang COVID-19 surge.
Sa kasalukuyan, nasa ilalim ng Alert level 1 ang NCR at ilan pang lugar mula Hunyo 16 hanggang Hunyo 30.