Walang nakikitang masama ang Armed Forces of the Philippines o AFP sakaling tanggapin ng bansa ang mga refugee mula sa bansang Afghanistan.
Ito’y sa harap na rin ng nagpapatuloy na gulo sa naturang bansa bunsod ng pagbabalik kapangyarihan ng grupong Taliban.
Ayon kay AFP Deputy Chief of Staff for Operations M/Gen. Edgardo de Leon, tiwala siyang hindi magdudulot ng gulo ang mga refugee dahil nais lang nilang lisanin ang malupit na pamamalakad ng Taliban sa kanilang bansa.
Malabo rin ayon kay de Leon ang posibleng spillover sa bansa ng gulo sa Afganistan dahil nagtatagumpay na ang Pamahalaan sa counter-terrorism at insurgency efforts nito.
Sa kaniyang panig, sinabi naman ni AFP Spokesman Col. Ramon Zagala na ipinauubaya na nila sa Malakaniyang ang anumang pagpapasya hinggil sa usapin at susunod lang sila sa direktibang ibibigay sa kanila..—ulat mula kay Jaymark Dagala (Patrol 9)