Inamin ni Pangulong Rodrigo Duterte na panakot lamang sa kanyang mga kritiko ang pinalutang na ideyang planong pagtakbo sa pagka-bise presidente sa 2022 National Elections.
Ayon kay Pangulong Duterte, wala namang masama sa kanyang plano hangga’t makabubuti ito para sa bansa.
“Yung ah Vice President ko pantakot lang sa kanila yan, sabi ko let us see if it is good for the country, I will do it, if does not contribute anything to our republic then wag na lang magsasayang lang tayo ng oras pati you contribute to your community as of the moment.”
Sa issue naman ng planong pagsabak sa presidential race ni Davao City Mayor Inday Sara Duterte, tutol pa rin ang pangulo sa plano ng kanyang anak.
Ito, anya, ay dahil sa maaaring kaharapin na kaliwa’t kanang batikos ng kanyang pangalawang anak gaya nina Senadora Leila De Lima at dating Senador Antonio Trillanes. —sa panulat ni Drew Nacino
