Isinisisi ng National Economic and Development Authority (NEDA) sa nararanasang El Niño phenomenon ang bahagyang pagtaas ng inflation sa bansa nitong Mayo.
Ayon kay socioeconomic planning secretary Ernesto Pernia, pangunahing dahilan nito ang mabilis na paggalaw sa presyo ng mga pagkain at hindi nakakalasing na inumin kasabay na rin ng epekto sa agrikultura ng patuloy na nararanasang weak El Niño sa bansa.
Aniya, maituturing nang paulit-ulit na problema ng bansa ang El Niño at kinakailangan na ito ng agaran at pang mas matagalang pagtugon.
Binigyang diin ni Pernia, kinakailangang magkaroon na ng mas matatag na solusyon para mabawasan ang epekto ng extreme weather at climate change sa bansa lalo’t bantad ang Pilipinas sa mga kalamidad.
Bukod dito, tinukoy din ni Pernia ang pagbabawas sa mga inaangkat na produktong karne ng bansa dahil sa banta ng african swine fever bilang isa sa mga posibleng nag-ambag sa inflation.
