Nagbanta si incoming Justice Secretary Vitaliano Aguirre na hindi siya mangingiming sibakin sa puwesto ang mga opisyal ng New Bilibid Prisons o NBP.
Ito’y ayon kay Aguirre ang siyang tanging paraan upang masawata na ng tuluyan ang aniya’y pabrika ng shabu sa loob ng pambansang bilangguan.
Kumpiyansa si Aguirre na mayroong sabwatan sa pagitan ng mga drug lord at mga guwardiya ng Bilibid na siyang dahilan upang makapasok doon ang ipinagbabawal na gamut.
Dismayado rin si Aguirre sa ginagawang raid linggu-linggo ng mga tauhan ng Bureau of Corrections gayung napakaluwag naman ng mga ito sa bisita ng mga bilanggo na labas-masok aniya sa kulungan.
By Jaymark Dagala
