Nanawagan sa kongreso ang Commission on Elections na magkaroon na ng pinal na desisyon hinggil sa atras-abanteng barangay at sangguniang kabataan elections na nakatakda sa Disyembre.
Ayon kay COMELEC Spokesperson Dir. John Rex Laudiangco, umasa siya na mareresolba na ang naturang usapin sa lalong madaling panahon, at magkakaroon na ng pinal na desisyon ang dalawang kapulungan ng kongreso.
Mababatid na sa ngayon ay hati pa rin ang reaksyon ng ilang mga mambabatas kung itutuloy ang halalan o hindi.
Kaugnay dito ay mayroon nang mga nakahaing panukala para sa post-ponement nito sa kamara at sa senado.
Samantala, hanggat wala pang naipapasang batas para sa pagpapaliban ng eleksyon ay nagpapatuloy pa rin ang preperasyon ng COMELEC para rito.
