Ibinabala ni Senador Manny Pacquiao na makasisira sa imahe ng Pilipinas ang isinampang kasong crime against humanity ni Atty. Jude Sabio laban kay Pangulong Rodrigo Duterte sa ICC o International Criminal Court.
Giit ng Senador, hindi lamang imahe ng Pangulo ang sinisira ni Atty. Sabio kundi ay inilalagay din niya sa alanganin ang reputasyon ng Pilipinas sa mata ng international community.
Sa halip aniyang isipin at bigyang halaga ang pansariling interes, sinabi ni Pacquiao na mas dapat unahin sa ngayon ay ang kapakanan ng sambayanan at ng bansa.
Binatikos din ni Senate Majority Leader Tito Sotto ang usapin dahil sa malinaw aniyang media mileage lamang ang habol ng mga taong nasa likod ng pagsasampa ng kaso.
By: Jaymark Dagala / Cely Bueno
