Walang nakikitang negatibong epekto ang Department Of Health sa COVID-19 vaccination sa kabila ng pagpapatupad ng alert level 3 sa Metro Manila.
Ito’y kahit maaari nang lumabas ang kahit sino o anumang edad, bakunado man o hindi.
Ayon kay Health Undersecretary Maria Rosario Vergeire, nakikita naman ng publiko ang benepisyong pagiging bakunado kabilang ang pagpasok sa mga establisyimento kumpara sa mga walang bakuna.
Mababa rin anya ang posibilidad na tamaan ng mas malalang sintomas ng COVID-19 ang mga fully vaccinated kumpara sa mga hindi pa binabakunahan.
Muli namang hinimok ng kagawaran ang mga maaari nang magpabakuna na magpaturok na bilang proteksyon sa kanilang katawan at mahal sa buhay.—sa panulat ni Drew Nacino