Aminado ang Manila Police District o MPD na blangko pa sila sa motibo ng pagpaslang sa mamamahayag na si Alex Balcoba kamakalawa.
Gayunman, kasalukuyan nang tinutukoy ng pulisya kung sino ang may-ari ng motorsiklong ginamit ng suspek nang mangyari ang pananambang.
Magugunitang walang habas na pinagbabaril si Balcoba sa harap ng kanilang water refilling station sa Quiapo, Maynila nakaraang Biyernes ng gabi ng mga hindi pa matukoy na suspek.
Narekober naman sa crime scene ang ilang basyo ng bala ng hindi pa rin matukoy na kalibre ng baril
Si Balcoba ay reporter ng pahayagang People’s Brigada at kasalukuyang opisyal ng Manila Police District o MPD Press Corps .
Siya ang ika-Isandaan at Pitumpumt Apat na mamamahayag na pinaslang mula nuong 1986 habang ika-Tatlumput Apat naman mula nuong 2010 o sa ilalim ng panunungkulan ni Pangulong Noynoy Aquino.
By: Jaymark Dagala
