Inihayag ni cabinet secretary at acting palace spokesman Karlo Nograles na pinahintulutan ng IATF-EID ang pagpasok ng mga travelers na may valid single-entry 9a Visa na may 90-day validity.
Ayon kay Nograles, ang mga bagong patakaran na nalalapat sa parehong mga dayuhan mula sa visa-free at visa-required na mga bansa, na magkakabisa simula sa Pebrero 10.
Sinabi ni Nograles na ang mga darating ay dapat fully vaccinated, maliban sa mga menor de edad na wala pang 12 taong gulang.
Dagdag pa ni Nograles, na dapat din silang magpakita ng vaccination card at negatibong RT-PCR test na kinuha sa loob ng 48 oras mula sa petsa ng pag-alis.
Samantala, sinabi pa ng opisyal, na hindi na sila kakailanganing sumailalim sa mandatory quarantine, ngunit kailangang mag-self-monitor para sa mga sintomas sa loob ng pitong araw. —sa panulat ni Kim Gomez