Muling inapela ni House Deputy Minority Leader at Bayan Muna Representative Carlos Isagani Zarate sa senado na agarang talakayin at ipasa ang panukalang Permanent Evacuation Centers Bill kasunod ng paghagupit ng bagyong Agaton sa Visayas at Mindanao.
Ito, aniya ay upang magkaroon ng ligtas na tirahan ang mga biktima ng kalamidad at makabangon mula sa sakuna.
Layunin ng naturang panukala na lumikha ng permanente at mas matibay na evacuation centers kumpara sa mga tent na nagsisilbing pansamantalang tirahan ng mga apektado ng kalamidad sa bansa.
Batay sa pinakahuling datos ng National Disaster Risk Reduction and Management Council (NDRRMC), pumalo na sa 172 ang bilang ng mga nasawi dahil sa bagyong Agaton. —ulat mula kay Tina Nolasco (Patrol 11)