Naglabas ng memorandum ang Department Of Health (DOH) para magsilbing gabay sa mga establisimyento upang makaiwas sa COVID-19.
Nakasaad sa nasabing memorandum na dapat iwasan ang settings ng recirculation o pag-iikot ng hangin sa isang enclosed na lugar sa ilang gamit gaya ng aircon.
Inirerekomenda rin dito ang pagkabit ng exhaust fan sa mga palikuran, lalo ng kung ito ay common CR.
Ipinapayo rin ang pagbaba muna ng takip ng toilet bago ito i-flush mas makabubuti umano ito upang maiwasan ang pagkalat ng droplets sa hangin na malilikha ng pag-flush.
Mainam dun umano kung mananatiling bukas ang mga bintana at regular ang paglilinis at pagpalit sa mga filter ng mga gamit tulad ng aircon.