Pinag-aaralan na ng pamahalaan ang pagpapaluwag sa COVID-19 quarantine restrictions para sa mga senior citizens at menor de edad ayon sa Department Of Health (DOH).
Gayunman, sinabi ni health undersecretary Maria Rosario Vergeire na kanila pa ring inirerekomenda na manatili na lamang sa kanilang mga tahanan ang mga senior citizen at menor de edad.
Giit ni Vergeire, sila kasi ang mga tinatawag na vulnerable population na higit na dapat maingatan laban sa COVID-19.
Kaya kung wala naman aniyang mahalagang gagawin sa labas, mas makabubuti kung sila ay mananatili na lamang sa kanilang bahay.
Sa ilalim ng General Community Quarantine, ang mga 21 years old pababa at 60 years old pataas ay hindi pinapayagang lumabas maliban na lamang kung may mahalagang kailangan bilhin.